काठमाडौं । आइएमई लाइफ इन्स्योरेन्सको चौंथो वार्षिक साधारणसभा वैशाख १४ गते हुने भएको छ । सभा बेगनास हल, ¥याडिसन होटल लाजिम्पाट काठमाडौंमा बिहान ११ बजे हुने भएको हो । कम्पनीले सभामा आइपीओ जारी गर्ने विशेष प्रस्ताव पेश गर्नेछ ।
यस्तै सभामा आर्थिक वर्ष २०७६–७७ को वार्षिक प्रतिवेदनमा छलफल गर्ने र नाफा–नोक्सान हिसाब पारित गर्ने एजेन्डा समेत रहेको छ । आर्थिक वर्ष २०७७–७८ को लागि लेखापरीक्षक नियुक्त गरी पारिश्रमिक निर्धारण गर्ने प्रस्ताव पनि पेश हुने कम्पनीले जनाएको छ ।
यता अन्य इन्स्योरेन्स कम्पनीहरुसँग गाभ्ने–गाभिने सम्बन्धि सम्पूर्ण कार्य गर्न सञ्चालक समितिलाई अख्तियारी प्रदान गर्ने प्रस्ताव पनि रहेको छ । कम्पनीले ६० करोड रुपैयाँ बराबरको आइपीओ जारी गर्न धितोपत्र बोर्डमा निवेदन दिएको छ । कम्पनीले प्रतिकित्ता १०० रुपैयाँ दरमा ६० लाख कित्ता आइपीओ जारी गर्न बोर्डसँग अनुमति मागेको हो । यसमा बिक्री प्रबन्धकको काम सिभिल क्यापिटल मार्केटले गर्नेछ ।
