काठमाडौं । लुम्बिनी विकास बैंकले चालु आर्थिक वर्षको तेस्रो त्रैमासको वित्तीय विवरण सार्वजनिक गरेको छ । कम्पनीले यस त्रैमासमा ५१ करोड रुपैयाँ खुद नाफा आर्जन गरेको छ । जुन खुद नाफा अघिल्लो वर्षको तुलनामा २०.५० प्रतिशतले बढी हो । अघिल्लो वर्ष कम्पनीले ४२ करोड ३७ लाख रुपैयाँ खुद नाफा आर्जन गरेको थियो ।

कम्पनीको खुद ब्याज आम्दानी ३३.५५ प्रतिशतले बढेर १ अर्ब १३ करोड रुपैयाँ पुगेको छ भने सञ्चालन नाफा पनि २४.८९ प्रतिशते बढेर ७४ करोड रुपैयाँ पुगेको छ । कम्पनीको प्रतिसेयर आम्दानी १ रुपैयाँ २९ पैसाले बढेर २० रुपैयाँ ७३ पैसा पुगेको छ भने प्रतिसेयर नेटवर्थ १७३ रुपैयाँ २४ पैसा रहेको छ ।