">
काठमाडौं । महालक्ष्मी विकास बैंकले चालु आर्थिक वर्षको तेस्रो त्रैमासको वित्तीय विवरण सार्वजनिक गरेको छ । कम्पनीले यसअवधिमा खुद नाफा ७६.९८ प्रतिशतले बढेर ७१ करोड ४२ लाख ८५ हजार रुपैयाँ पुगेको छ । अघिल्लो वर्षको यसैअवधिमा यसले ४० करोड ३६ लाख ५ हजार रुपैयाँ खुद नाफा आर्जन गरेको थियो ।
साथै यस्तै कम्पनीको इम्पेरिमेन्ट चार्ज ९९.४२ प्रतिशतले घटेर १५ लाख ७९ हजार रुपैयाँ पुगेको छ । सञ्चालन नाफा ८०.२५ प्रतिशतले बढेर १ अर्ब ९८ लाख १७ हजार रुपैयाँ पुगेको छ भने खुद ब्याज आम्दानी १५.६४ प्रतिशतले बढेर १ अर्ब ३४ करोड ९८ लाख ५० हजार रुपैयाँ पुगेको छ ।
यस्तै कम्पनीको प्रतिसेयर आम्दानी ७ रुपैयाँ ६४ पैसाले बढेर २३ रुपैयाँ ७४ पैसा पुगेको छ र प्रतिसेयर नेटवर्थ १५६ रुपैयाँ ०४ पैसा रहेको छ ।
