काठमाडौं । महालक्ष्मी लाइफ इन्स्योरेन्सको विशेष साधारणसभा हुने भएको छ । कम्पनीको विशेष साधारणसभा वैशाख २५ गते हुने भएको हो । सभा होटल हुकुम दरवार कमलपोखरी काठमाडौंमा बिहान ११ बजे हुने भएको छ । सभामा कम्पनीले पुँजी वृद्धि गर्ने विशेष प्रस्ताव पेश गर्ने भएको छ ।
सोही पुँजीलाई आधार मानेर कम्पनीले आइपीओ जारी गर्ने भएको छ । सभामा कम्पनीले आइपीओ जारी गर्ने प्रस्ताव पनि पेश हुनेछ । सभामा अन्य जीवन बिमा कम्पनीहरुसँग गाभ्ने–गाभिने सम्बन्धि सम्पूर्ण कार्य गर्न सञ्चालक समितिलाई अख्तियारी प्रदान गर्ने प्रस्ताव पनि रहेको छ । यस्तै कम्पनीको लागि नियमावली संशोधन गर्ने एजेण्डा पनि छ ।
कम्पनीले आइपीओ निष्कासन गर्ने भएको छ । कम्पनीले ६० करोड रुपैयाँ बराबरको आइपीओ निष्कासन गर्ने भएको हो । कम्पनीको हाल चुक्ता पुँजी १ अर्ब ४० करोड रुपैयाँ रहेको छ भने आइपीओ बिक्रीपछि चुक्ता पुँजी २ अर्ब रुपैयाँ पुग्ने कम्पनीले जनाएको छ ।
