काठमाडौं । मेगा बैंक लिमिटेडले चालु आर्थिक वर्षको तेस्रो त्रैमाससम्म आइपुग्दाको वित्तीय विवरण सार्वजनिक गरेको छ । बैंकले यस अवधिमा २ अर्ब १ करोड ४५ लाख ३४ हजार रुपैयाँ खुद नाफा आर्जन गरेको छ । जुन खुद नाफा अघिल्लो वर्षको तुलनामा २.१२ प्रतिशतले बढी हो । अघिल्लो वर्षको यसैअवधिमा बैंकले १ अर्ब ९७ करोड २७ लाख ५५ हजार रुपैयाँ नाफा आर्जन गरेको थियो ।

यता बैंकको सञ्चालन नाफा ८.२७ प्रतिशतले बढेर २ अर्ब ९९ करोड ९२ लाख ४९ हजार रुपैयाँ पुगेको छ । यस्तै खुद ब्याज आम्दानी ३.२० प्रतिशतले घटेर ३ अर्ब ९५ करोड ७५ लाख ६९ हजार रुपैयाँ पुगेको छ । बैंकको प्रतिसेयर आम्दानी १६ रुपैयाँ ७७ पैसा रहेको छ भने प्रतिसेयर नेटवर्थ १३६ रुपैयाँ ७० पैसा रहेको छ ।