काठमाडौं । एनएमबि बैंकले चालु आर्थिक वर्षको तेस्रो त्रैमासको वित्तीय विवरण सर्वजनिक गरेको छ । यस अवधिमा बैंकले २ अर्ब ६६ करोड ५२ लाख रुपैयाँ खुद नाफा आर्जन गरेको छ । जुन खुद नाफा अघिल्लो वर्षको तुलनामा ५.९१ प्रतिशतले बढी हो । अघिल्लो वर्ष यस अवधिमा बैंकले २ अर्ब ५१ करोड ६४ लाख रुपैयाँ नाफा आर्जन गरेको थियो ।
यता बैंकको खुद ब्याज आम्दानी २.७४ प्रतिशतले बढेको छ भने सञ्चालन नाफा ४.६४ प्रतिशतले बढेको छ । यस्तै वितरणयोग्य नाफा भने ४१.६१ प्रतिशतले घटेर १ अर्ब ३२ करोड ८९ लाख रुपैयाँ पुगेको छ ।
बैंकको निक्षेप संकलन १२.४३ प्रतिशतले बढ्दा कर्जा लगानी १७.४२ प्रतिशतले वृद्धि भएको छ । कम्पनीको प्रतिसेयर आम्दानी १ रुपैयाँ ०१ पैसाले बढेर १९ रुपैयाँ ३५ पैसा पुगेको छ भने प्रतिसेयर नेटवर्थ १४२ रुपैयाँ २१ पैसा रहेको छ ।
