काठमाडौं । नेपाल इन्भेष्टमेन्ट बैंकले चालु आर्थिक वर्षको तेस्रो त्रैमासको वित्तीय विवरण सार्वजनिक गरेको छ।  बैंकले  यस अवधिमा  २ अर्ब ४७ करोड ७२ लाख ६१ हजार रुपैयाँ खुद नाफा आर्जन गरेको छ । अघिल्लो वर्ष बैंकले २ अर्ब ८४ करोड ७१ लाख रुपैयाँ खुद नाफा आर्जन गरेको थियो । जुन अघिल्लो वर्षको तुलनामा  यस वर्षको नाफा  १२.९९ प्रतिशतले कम हो ।

यता बैंको वितरणयोग्य नाफा पनि  ६५.८९५ ले घटेर ४७ करोड २४ लाख रुपैयाँमा सिमित भएको छ । बैंकको  खुद ब्याज आम्दानी पनि ९.०३ प्रतिशतले घटेको छ भने सञ्चालन नाफा १२.१७ प्रतिशतले  घटेको छ ।

यस्तै  बैंकको निक्षेप संकलन ३.१३ प्रतिशतले बढेको छ र कर्जा लगानी ५.३५ प्रतिशतले बढेको छ  बैंकको  प्रतिसेयर आम्दानी भने  ५ रुपैयाँ ४३ पैसाले घटेर १८ रुपैयाँ ०४ पैसा र  प्रतिसेयर नेटवर्थ १८० रुपैयाँ ९७ पैसा रहेको छ ।