">
काठमाडौँमा यहि चैत्र २७ र २८ गते नेपाल इन्भेष्टमेन्ट कन्फेरेन्स २०२२ हुने भएको छ । जानकी ग्लोबल फाउन्डेसनको आयोजनामा सो कन्फेरेन्स हुने भएको हो । नेपालमा लगानीका विभिन्न आयामहरुलाई सम्बोधन गर्न विज्ञहरु उपस्थित हुने सो कन्फेरेन्समा बैंकिङ, सेयर बजार, हाइड्रोपावर लगायतका विविध विषयमा विभिन्न सेसनहरु संचालन हुनेछन् । यसैबीच मंगरबार पत्रकार सम्मेलन गर्दै फाउन्डेसनले कार्यक्रम बारे विस्तृत जानकारी दिएको हो ।
पत्रकार सम्मेलनमा बोल्दै फाउन्डेसनकी प्रमुख जानकी गुरुङले नेपालमा युवाहरुको आकर्षण अझै बढेर जानका लागि र नेपालमै लगानीको वातावरण कसरी बनाउन सकिन्छ भन्ने तथ्य बुझाउनका लागि सो कन्फेरेन्सको आयोजना गरिएको बताएकी छिन् । नेपालमा लगानीको सम्भावनाबारे अध्यन गर्न तथा युवाहरुलाई लगानीप्रति आकर्षित गराउन कार्यक्रम फलदायी रहने उनको विश्वास छ ।
कार्यक्रममा सहभागी लगानीकर्ताको अनुभव पनि आदानप्रदान गरिने उनको भनाई छ । इचैत्र २७ र २८ काठमाडौंको भृकुटीमण्डपस्थित नेपाल पर्यटन बोर्ड सभाहलमा कार्यक्रमको आयोजना हुने सो कार्यक्रममा राजनीतिक दलका नेताहरुले पनि नेपालमा लगानीको सम्भावना र चुनौतीबारे प्रकाश पार्नेछन् ।
