×

Live on

रेडियो अर्थ सरोकार

Listen to live radio.

बैंकिङ प्रणालीमा एक दिनमै थपियो ८ अर्ब निक्षेप

GLOBAL IME BANK
KAMANA SEWA BIKAS BANK

बैंकिङ प्रणालीमा एक दिनमै थपियो ८ अर्ब निक्षेप

५ जेष्ठ २०७९, बिहीबार

पढ्न लाग्ने समय: १ मिनेटभन्दा कम

काठमाडौं । बैंक वित्तीय/संस्थामा एक दिनमा ८ अर्ब निक्षेप थपिएको छ । स्थानीय तहको निर्वाचनमा खर्च भएको औपचारिक तथा अनौपचारिक पैसा बैंकिङ प्रणालीमा फिर्ता आउने क्रम जारी भएपछि निक्षेप बढेको हो । बैशाख महिना १६ देखि जेठ २ गतेसम्ममा करिब २० अर्ब रुपैयाँ निक्षेप बैंकिङ प्रणालीमा थपिएको हो ।

सरकारले गत बैशाख ३० गते स्थानीय तहको निर्वाचन गरेको थियो । सो निर्वाचनमा उम्मेदवारी दर्ता गरेका राजनीति दलका नेता तथा कार्यकर्ताले चुनावी प्रयोजनका लागि गरेको खर्चले औपचारिक र अनौपचारिक दुबै अर्थतन्त्र चलायमान भएको छ । त्यसको प्रभाव बैंकिङ प्रणालीमा पनि देखिएको हो ।

बैशाख महिनाको १६ गते देखि २३ सम्ममा वित्तीय प्रणालीमा ६ अर्ब रुपैयाँ निक्षेप बढेको थियो । त्यसैगरी बैशाख २७ र २८ गते दुई दिनमा ५ अर्ब रुपैयाँ निक्षेप थपिएको थियो । यस्तै वित्तीय प्रणालीमा बैशाख २८ गते देखि जेठ २ गतेसम्म ८ अर्ब रुपैयाँ निक्षेप थपिएर ४९ खर्ब ४५ अर्ब रुपैयाँ पुगेको छ । बैंक तथा वित्तीय संस्थाले आगामी असार मसान्तसम्ममा कर्जा निक्षेप अनुपात ९० प्रतिशत भित्र कायम गर्नुपर्ने हुन्छ ।

CITIZEN LIFE INSURANCE
Hamro Parto AD

प्रतिक्रिया दिनुहोस्

सिफारिस: