काठमाडौँ । बैंकिङ कसूरको मुद्दामा फरार रहेका एक प्रतिवादी पक्राउ परेका छन् । रामेछाप जिल्ला सुनापाती गाउँपालिका वडा नं.५ घर भई हाल भक्तपुर बस्ने  ४६ बर्षिय कृष्णभक्त मानन्धर सो कसुरमा पक्राउ परेका हुन् ।

उनले आफ्नो खातामा पर्याप्त मौज्दात रकम नभएको भन्ने जानी-जानी जाहेरवालालाई झुक्यानमा पारी एनआइसी एसिया र माछापुच्छ्रे बैंक लिमिटेडको चेक काटी दिई बैंकिङ कसूरजन्य अपराध गरेको ठहर भएको थियो । उच्च अदालत पाटनबाट मिति २०७९/०२/१६ गते उनीमाथि बैंकिङ कसूर तथा सजाय ऐन २०६४ बमोजिम ३ दिन कैद र ९ लाख ५० हजार जरिवाना सुनाएको थियो। उनलाई बुकाभ्रेपलाञ्चोक, वनेपा न.पा. वडा नं. १, नालाबाट पक्राउ गरी फैसला कार्यान्वयनको लागि भक्तपुर जिल्ला अदालतमा पेश गरिएको छ ।