×

Live on

रेडियो अर्थ सरोकार

Listen to live radio.

राजस्व चुहावट गरेको अभियोगमा मुद्दा, आरोपी विरुद्ध शतप्रतिशत जरिवाना गरी १७ करोडभन्दा बढी बिगो दाबी

GLOBAL IME BANK
KAMANA SEWA BIKAS BANK

राजस्व चुहावट गरेको अभियोगमा मुद्दा, आरोपी विरुद्ध शतप्रतिशत जरिवाना गरी १७ करोडभन्दा बढी बिगो दाबी

२६ बैशाख २०७९, सोमबार

पढ्न लाग्ने समय: १ मिनेटभन्दा कम

काठमाडौँ । राजस्व अनुसन्धान विभागले राजस्व चुहावट गरेको अभियोगमा अन्तरा इन्टरनेशनलका सञ्चालक विरुद्ध उच्च अदालत पाटनमा मुद्दा दायर गरेको छ । विभागले काठमाडौँ महानगरपालिका–२७ स्थित अन्तरा इन्टरनेशनलले प्रचलित आयकर ऐन तथा मूल्य अभिवृद्धि कर विरुद्धको अपराध गरेको पाइएको जनाएको छ । विभागले सो कम्पनीका लेखापरीक्षक गणेशबहादुर केसी र श्यामसुन्दर यादव विरुद्ध मुद्दा दायर गरेको हो ।

विभागले रु. १७ करोड सात लाख ५५ हजार बराबरको बिगो दाबी गर्दै यही वैशाख २२ गते मुद्दा दायर गरेको भए पनि आज प्रेस विज्ञप्ति मार्फत जानकारी दिएको छ । आरोपी अन्तरा इन्टरनेशनलले रु. आठ करोड ५३ लाख ७७ हजार मूल्य अभिवृद्धि कर र आयकर छली गरेको पाइएको छ । विभागले आरोपी विरुद्ध शतप्रतिशत जरिवाना समेत गरी रु. १७ करोडभन्दा बढी बिगो दाबी गर्दै मुद्दा दायर गरिएको हो । –रासस

CITIZEN LIFE INSURANCE
Hamro Parto AD

प्रतिक्रिया दिनुहोस्

सिफारिस: