काठमाडौं ।  विकास बैंकहरुले ब्याजदर बढाएका छन् । विकास बैंकहरुले जेठदेखि निक्षेपमा ब्याजदर बढाएका हुन् । विकास बैंकहरुले मुद्दती निक्षेपको ब्याजदर बढाएर साढे १२ प्रतिशतसम्म पुर्याएका छन् ।

विकास बैंक एशोसियसनका अनुसार केहि बैंकहरुको व्यक्तिगत मुद्दती निक्षेपको ब्याजदर १२ प्रतिशत कायम गरेका हुन् । तर ८ विकास बैंकले भने ब्याजदर १२ प्रतिशतभन्दा माथि पुर्याएका छन् । यस्तै कर्णाली डेभलपमेन्ट बैंकले भने विकास बैंकहरुमा सबैभन्दा कम ११.८ प्रतिशत ब्याजदर कायम गरेको छ।

विकास बैंकहरुमध्ये लुम्बीनी विकास बैंक र नारायणी डेभलपमेन्ट बैंकले व्यक्तिगत मुद्दती निक्षेपको ब्याजदर साढे १२ प्रतिशत पुर्याएका छन् भने रेमिट्यान्स खातामा साढे १३ प्रतिशत ब्याज दिने भएका छन् । यसैगरी मितेरी डेभलपमेन्ट बैंक र कर्पोरेट डेभलपमेन्ट बैंकले पनि १२.२५ प्रतिशत ब्याजदर दिने भएका छन् ।