काठमाडौं । एभरेष्ट इन्स्योरेन्स कम्पनीले चालु आर्थिक वर्षको तेस्रो त्रैमासको वित्तीय विवरण प्रकाशित गरेको छ । कम्पनीले यस त्रैमासमा १० करोड ९४ लाख २५ हजार रुपैयाँ खुद नाफा आर्जन गरेको छ । जुन खुद नाफा अघिल्लो वर्षको भन्दा २६.२१ प्रतिशतले बढी हो । अघिल्लो वर्षको यसैअवधिमा कम्पनीले १४ करोड ८२ लाख ८७ हजार रुपैयाँ खुद नाफा आर्जन गरेको थियो ।
कम्पनीले यस अवधिमा कुल बिमा शुल्क आर्जन १७.९७ प्रतिशतले बढाएर ९२ करोड ७४ लाख ३३ हजार रुपैयाँ पुर्याएको छ । यस्तै खुद बिमा शुल्क पनि १२.०१ प्रतिशतले बढाएर ४३ करोड ५८ लाख ९४ हजार रुपैयाँ पुर्याएको छ । यता यस अवधिमा बिमा कोषको आकार १६.४६ प्रतिशतले बढाएर ४६ करोड ६८ लाख ७२ हजार रुपैयाँ पुर्याएको छ । कम्पनीको प्रतिसेयर आम्दानी १२ रुपैयाँ ३३ पैसा रहेको छ भने प्रतिसेयर नेटवर्थ १६७ रुपैयाँ ४० पैसा रहेको छ ।
