काठमाडौं । ग्लोबल आइएमई समुन्नत योजना–१ को प्रतिइकाई खुद सम्पति मूल्य ( न्याभ ) घटेको छ । ग्लोबल आइएमई समुन्नत योजना–१ को चैत मसान्तमा ११ रुपैयाँ ७४ पैसा रहेको न्याभ वैशाखसम्म आइपुग्दा ३७ पैसाले घटेर ११ रुपैयाँ ३७ पैसा कायम भएको छ । सूचीकृत सेयरमा लगानी भने ३ करोड ६७ लाख ९५ हजार ३९९ रुपैयाँले घटेर ९८ करोड ५८ लाख रुपैयाँ कायम भएको छ । अघिल्लो महिना यसको १ अर्ब २ करोड २६ लाख रुपैयाँको सेयर लगानी रहेको थियो ।

समुन्नत योजनाको बैंक मौज्दात पनि १ करोड ५१ लाख रुपैयाँबाट घटेर ९३ लाख ८४ हजार रुपैयाँ कायम भएको छ ।कम्पनीले कुल ९६ लाख ९२ हजार २६४ कित्ता सेयर होल्ड गरेको छ । बैशाख मसान्तसम्म यो फन्ड २ करोड १० लाख रुपैयाँ नाफामा रहेको छ । अघिल्लो महिना यसको कुल नाफा ५ करोड ८७ लाख रुपैयाँ थियो ।