काठमाडौं । गोर्खाज फाइनान्सको वार्षिक साधारण सभा हुने भएको छ । कम्पनीको साधारण सभा जेठ २७ गते हुने भएको हो । सभा अनुपम फुडल्यान्ड एण्ड ब्यांक्वेट, बानेश्वर काठमाडौंमा बिहान ११ः३० बजे सुरु हुनेछ । कम्पनीको वैशाख २६ गते बसेको सञ्चालक समिति बैठकले यस्तो निर्णय गरेको हो ।

कम्पनीले यसपटक पनि लगानीकर्तालाई लाभांश भने वितरण नगर्ने भएको छ । साधारण सभा प्रयोजनका लागि गोर्खाजले जेठ १२ गतेबाट जेठ २७ गतेसम्म बुक क्लोज गर्दैछ । जेठ ११ गतेसम्म कायम सेयरधनीले सभामा भाग लिन सक्नेछन् ।