काठमाडौं। जाल्पा सामुदायिक लघुवित्तले चालु आर्थिक वर्षको तेस्रो त्रैमासको वित्तीय विवरण सार्वजनिक गरेको छ। कम्पनीले यस त्रैमासमा ८ करोड ६४ लाख २९ हजार रुपैयाँ खुद नाफा आर्जन गरेको छ । जुन खुद नाफा अघिल्लो वर्षको तुलनामा ३७.२५ प्रतिशतले बढी हो ।

कम्पनीको खुद ब्याज आम्दानी ५७.४३ प्रतिशतले र सञ्चालन नाफा ९१.९४ प्रतिशतले बढेको छ। यस्तै कम्पनीको निक्षेप सञ्कलन र कर्जा लगानीमा पनि सुधार भएको छ । कम्पनीको रिजर्भ कोषमा ४४.९३ प्रतिशतले वृद्धि हुँदा ३८ करोड ६० लाख रुपैयाँ जम्मा भएको छ । यस्तै कम्पनीको प्रतिसेयर आम्दानी ७२ रुपैयाँ २ पैसा र प्रतिसेयर नेटवर्थ ३४१ रुपैयाँ २८ पैसा रहेको छ ।