काठमाडौं । महालक्ष्मी लाइफ इन्स्योरेन्सको विशेष साधारणसभा वैशाख २५ गते आइतबार बस्दैछ । कम्पनीको उक्त सभा होटल हुकुम दरवार कमलपोखरी, काठमाडौंमा बिहान ११ बजेबाट सुरु हुने भएको छ । सभामा कम्पनीले पुँजी वृद्धि गर्ने प्रस्ताव पेश गर्ने भएको छ । नियामक बिमा समितिले जीवन बिमाहरुको न्यूनतम पुँजी ५ अर्ब रुपैयाँ हुनुपर्ने व्यवस्था गरेसँगै सोही अनुसार पुँजी वृद्धि प्रस्ताव राखिएको हो ।
अब सोही पुँजीलाई आधार मानेर आइपीओ जारी गर्ने भएको छ । तसर्थ सभामा कम्पनीले आइपीओ जारी गर्ने प्रस्ताव पनि पेश गर्ने भएको छ । सभामा अन्य जीवन बिमा कम्पनीहरुसँग गाभ्ने/गाभिने सम्बन्धि सम्पूर्ण कार्य गर्न सञ्चालक समितिलाई अख्तियारी प्रदान गर्ने प्रस्ताव पनि रहेको छ । यस्तै कम्पनीको लागि नियमावली संशोधन गर्ने एजेण्डा रहेको छ ।
