काठमाडौँ । गत शुक्रबार नेपाल बंगलादेश बैंकको कर्मचारी युनियनले विभिन्न माग राख्दै आन्दोलन गर्यो । आन्दोलनको मागमा मुख्य माग थियो, ‘नबिल बैंकमा बिलय हुँदै गर्दा त्यहाँका अफिसर तहसम्म कसैको पनि घटुवा नगरियोस् ।’ यो कुरामा व्यवस्थापन पहिलादेखि नै सकारात्मक पनि थियो । तर कुरै नबुझी, र समय नै नआई कर्मचारीहरु आन्दोलनमा होमिएकाले, पहिला आन्दोलन तुहाउने अनि त्यसपछि के हुन्छ, राम्रै गरौंला भनेर सोच्यो व्यवस्थापनले । एनबिमा आन्दोलन भएको विषयमा नबिल यसै पनि रुष्ट थियो । आन्दोलन झन् चर्किए, ‘दुई तहको घटुवा प्रस्ताव गर्ने’सम्मका कुरा निस्किएका थिए । तर आन्दोलन मथ्थर भएपछी अफिसर तहसम्म कर्मचारी घटुवा नगर्ने विषयमा नबिल पनि सकारात्मक भयो । ‘आन्दोलन तुहिहाल्यो । अव २ तह घटुवा गरौँ कि के हो ?’ भन्ने कुरा पनि उठेको थियो ।’ नबिल स्रोतले भन्यो, ‘हामीले आग्रह-पूर्वाग्रह भन्दा पनि हाम्रो डिसिजन कस्तो भयो भनेर हेर्ने हो । सोमबार रातीसम हामीले अफिसर तहसम्म कर्मचारीको घटुवा नगर्नेगरी प्रस्ताव गरी छलफल अगाडी बढाएका छौं । अन्तिम निर्णय यसै आउला भन्न सकिन्न । तर जहाँसम्म तयारी छ, अफिसर तहसम्म कसैको घटुवा अव हुने छैन । बीचबीचमा आन्दोलन गरेर तलमाथि ठुला कुरा गर्न थाले भनेचाहिं जे पनि हुनसक्छ ।’

गत शुक्रबार २ बजे बोलाइएको बैठकमा बैंकका पूर्व सीइओ र अन्यथा नभएमा अवको नयाँ नबिलको सीइओ ज्ञानेन्द्र ढुंगानाले ‘हामीजस्तो बैंक नम्बर १ बैंकसँग बिलय हुँदै गर्दा १ तह घटुवा हुनु सामान्य हो’ भन्ने धारणा राखेका थिए । त्यसपछि त उल्टै कर्मचारीहरु ढुंगानाप्रति जाई लागे । ‘११ नम्बरको बैंकलाई आफैं यति तल ल्याउने अनि हाम्रो घटुवा गर्ने ?’ कर्मचारीको यस्तो रवाफपछि ढुंगाना ‘आगो’ भए । भोलिपल्ट आन्दोलन भयो । आन्दोलन हुँदै गर्दा ढुंगाना पुन: बैंक पुगे । आन्दोलन गर्नेहरुलाई सम्झाए, तर उनीहरु सम्झिएनन् । त्यसपछि ढुंगानाले तीतो बोली गरेर युनियनका नेताहरुलाई थर्काए पनि । त्यसपछि ढुंगानाका अगाडी लार्याकलुरुक भएका युनियनका अधिकारीको बोल्ती बन्द भयो । उनीहरु आन्दोलन फिर्ता गर्न तयार भए । र मागको कुनै सुनुवाई र आश्वासन विना उनीहरुको आन्दोलन तुहियो ।

सोमबारको दिन कुनै पनि आन्दोलन भएन । अन्तत: आन्दोलन तुहिएको निस्कर्षसहित अव ‘कुल’ भएर निर्णय गर्ने गरी एनबि र नबिलबीच कुराकानी भयो । अन्तत: नबिलमा जाँदा एनबि बैंकमा कार्यरत अफिसर तहसम्म कसैको पनि घटुवा नगर्नेगरी प्रस्तावउपर छलफल जारी छ। । ‘अफिसरचाहिं घटुवा गर्ने कि भन्ने अझै पनि छलफल छ । तर सीइओनै एनबिको राखेपछि त्यसो नगरौं भन्ने कुरा छ, त्यसैले सम्भवत अव अफिसर तहसम्म कसैको पनि घटुवा हुनेछैन। ‘