काठमाडौं । नेपाल विद्युत् प्राधिकरणले काठमाडौं उपत्यकाका ग्राहकहरूको सहजताका लागि कल सेन्टर सञ्चालनमा ल्याएको छ । विद्युत सेवा आपूर्ति सम्बन्धी गुनासो तथा सूचना एवं जानकारीहरू एकै स्थानबाट आदान-प्रदान गर्न सकिने गरी ग्राहकहरूका लागि उक्त कल सेन्टर सञ्चालनमा ल्याएको हो ।
११५० नम्बरको कल सेन्टरमा ग्राहकले प्राधिकरणसँग सम्बन्धित गुनासो टिपाउन सकिने भएको छ । उक्त कल सेन्टर २४ नै घण्टा सञ्चालनमा रहनेछ । ग्राहकहरूले विद्युत् प्राधिकरणको हटलाइन ११५० मा फोन सम्पर्क गरी अंक १ डायल गरेर कल सेन्टरमा जानकारी गराई सेवाको लाभ लिन सकिने प्राधिरकणले जनाएको छ ।
