काठमाडौं । सरकारले निजगढ अन्तर्राष्ट्रिय विमानस्थल निर्माणका लागि बजेट बिनियोजन गरेको छ । आगामी आर्थिक वर्ष २०७९/७८ को बजेट प्रस्तुत गर्दै अर्थमन्त्री जनार्दन शर्माले बजेट छुट्याएको बताएका हुन् । यस्तै अर्थमन्त्री शर्माले उनले भैरहवा र पोखरा पूर्णरुपमा सञ्चालनमा ल्याएने, त्रिभुवन अन्तर्राष्ट्रिय विमानस्थलमा ट्याक्सी वे निर्माणका लागि २ अर्ब २० करोड बजेट बिनियोजन गरिएको समेत बताए । आगामी आवमा गौतम बुद्ध विमानस्थलमा दोस्रो टर्मिनल भवन निर्माण गरिने, धनगढीको विमानस्थललाई क्षेत्रीय अन्तर्राष्ट्रिय विमानस्थल बनाइने र सुखर्तेमा रहेको विमानस्थललाई प्रादेशिक विमानथलमा स्तरोन्नती गरिने उनले बताए ।
उनले नागरिक उड्ययन प्राधिकरणको पुनसुंरचना गरी सेवा प्रदायक र नियामकका रुपमा बनाइने पनि बताएका छन् । यस्तै डडेलधुरा, बलेवा, उदयपुरमा विमानस्थल सञ्चालनमा ल्याएने समेत बताए । साथै हवाई क्षेत्रका लागि १२ अर्ब २४ करोड बजेट बिनियोजन गरिएको छ । यस्तै सरकारले ७५३ स्थानीय तहमा कृषि विज्ञ र देशभरका सबै वडामा कृषि प्राविधिक नियुक्त गर्ने घोषणा गरेको छ ।
यस्तै प्रधानमन्त्री कृषि आधुनिकिकरण कार्यक्रमका लागि ५ अर्ब ९० करोड र कृषि सुधारका लागि १० अर्ब रुपैयाँ विनियोजन गरिएको छ । सरकारले किसान परिचयको आधारमा सहुलियत र सुविधाहरु उपलब्ध गराउने भएको छ । यस्तै आगामी वर्ष रसायनिक मलको व्यवस्थापनका लागि १५ अर्ब बजेट छुट्याएको छ । सरकारले कृषि मन्त्रालयलाई ५५ अर्ब ९७ करोड रुपैयाँ बजेट विनियोजन गरेको छ ।
