देश बोल्ने फोटो कथा : मन्दिर परिसरमा फूलमाला बेच्न बसेका व्यापारी, रासायनिक मलको अभावमा डिएपी मल खरिद गरीे साइकलमा राख्दै युवा

काठमाडौं । देशभर विभिन्न घटना घट्छन् । केहि सामान्य समाचारका विषय हुन्छन्, केहि समाचारले असामान्य कम्पन पैदा गरिदिन्छन् । केहि तस्विर फगत तस्विरमात्र हुन्छन् भने केहि तस्विरले देश बोल्दछन् । हामी हरेक दिन सातै प्रदेशका त्यस्ता तस्विरहरुलाई प्रकाशन गर्छौँ, जसले देश र जनताको आर्थिक स्थिति प्रतिनिधित्व गर्छ । समसामयिक विषयमा राज्यलाई खबरदारी गर्छ र जनताको जीवन बोल्छ ।

आज कुन-कुन ठाउँमा के-के भयो ? यी दृश्यहरु आफैं बोलिरहेछन् । आजको अंकमा हामीले महोत्तरीको सदरमुकाम जलेश्वरस्थित बाबा जलेश्वरनाथको मन्दिर परिसरमा फूलमाला बेच्न बसेका व्यापारीदेखि शुक्लाफाँटा नगरपालिका–३ स्थित सूर्यज्योति सहकारी संस्थाबाट खेतबारीमा हाल्नका लागि डिएपी मल खरिद गरीे घरतर्फ लैजानका लागि साइकलमा राख्दै गरेका युवा । रासायनिक मलको अभाव हुँदा स्थानीय किसान निकै चिन्तित भएका सम्मका तस्बिरलाई फोटोमा समेटेका छौँ ।

हेरौं फोटो समाचारः

महोत्तरीको सदरमुकाम जलेश्वरस्थित बाबा जलेश्वरनाथको मन्दिर परिसरमा फूलमाला बेच्न बसेका व्यापारी ।

शुक्लाफाँटा नगरपालिका–३ स्थित सूर्यज्योति सहकारी संस्थाबाट खेतबारीमा हाल्नका लागि डिएपी मल खरिद गरीे घरतर्फ लैजानका लागि साइकलमा राख्दै गरेका युवा । रासायनिक मलको अभाव हुँदा स्थानीय किसान निकै चिन्तित भएका छन् ।

दोलखाको भिमेश्वर नगरपालिका–२ द्वोल्खा बजारमा रु. साढे ५ करोडको लगानीमा पुनर्निर्माण गरिएको राजकुलेश्वर आधारभूत विद्यालयको भवन । हेल्प नेपाल नेट्रोक, रोटरी क्लब अफ पाटन दरबार स्क्वायर र नेप्लीज सोसाइटी अफ टेक्सासको सहयोगमा निर्माण गरिएको यस विद्यालयमा हाल १५० विद्यार्थी अध्ययन गर्दै आइरहेका छन् ।

काठमाडौँ महानगरपालिकाका नवनिर्वाचित उपप्रमुख सुनिता डंगोललाई सोमबार राष्ट्रिय सभागृहमा पद तथा गोपनीयताको शपथ गराउँदै काठमाडौँ महानगर प्रमुख बालेन्द्र शाह ।