काठमाडौं । प्रुडेन्सियल इन्सुरेन्सले चालु आर्थिक वर्षको तेस्रो त्रैमासको वित्तीय विवरण सार्वजनिक गरेको छ । कम्पनीले तेस्रो त्रैमासमा ११ करोड ३६ लाख २९ हजार रुपैयाँ खुद नाफा आर्जन गरेको छ। जुन खुद नाफा अघिल्लो वर्षको तुलनामा १७.२५ प्रतिशतले कम हो । अघिल्लो वर्ष कम्पनीले १३ करोड ७३ लाख ११ हजार रुपैयाँ खुद नाफा आर्जन गरेको थियो ।
कम्पनीको खुद बिमा शुल्क पनि २६.२३ प्रतिशतले घटेर ३५ करोड ७४ लाख ५१ हजार रुपैयाँ रहेको छ । कम्पनीको बिमा कोष ८.८३ प्रतिशतले बढेर ६५ करोड ३६ लाख ३५ हजार रुपैयाँ पुगेको छ । यस्तै कम्पनीको प्रतिसेयर आम्दानी १३ रुपैयाँ ६७ पैसा र प्रतिसेयर नेटवर्थ १८९ रुपैयाँ ४३ पै सा रहेको छ ।
