काठमाडौँ । बैंकिङ कसूरको मुद्दामा फरार रहेका एक प्रतिवादी पक्राउ परेका छन् । सिन्धुपाल्चोक जिल्ला जुगल गाउँपालिका वडा नं.७ घर भई हाल गोकर्णेश्वर बस्ने ४७ बर्षिय भिम बहादुर तामाङ सो कसुरमा पक्राउ परेका हुन् ।
उनले आफ्नो खातामा पर्याप्त मौज्दात रकम नभएको भन्ने जानी/जानी जाहेरवालालाई झुक्यानमा पारी ज्योति विकास बैंक लिमिटेडको चेक काटी दिई बैंकिङ कसूरजन्य अपराध गरेको ठहर भएको थियो । उच्च अदालत पाटनबाट मिति २०७९/०१/०२ गते उनीमाथि बैंकिङ कसूर तथा सजाय ऐन २०६४ बमोजिम कैद तथा जरिवाना सुनाएको थियो। उनलाई भैसेपाटी, ललितपुरबाट पक्राउ गरी फैसला कार्यान्वयनको लागि ललितपुर जिल्ला अदालतमा पेश गरिएको छ ।
