">
काठमाडौं । नेपाल धितोपत्र बोर्डका अध्यक्ष रमेश हमालले नेपाल राष्ट्र बैंकले गरेका नीतिगत व्यवस्थालाई बोर्डले सम्बोधन गर्न नमिल्ने बताएका छन् । सोमबार खुमलटारस्थित नेपाल धितोपत्र बोर्ड पुगेका लगानीकर्तालाई सम्बोधन गर्दै बोर्ड अध्यक्ष हमालले राष्ट्र बैंकका सम्बन्धमा बोर्डले सम्बोधन गर्न नमिल्ने बताएका हुन् । सबै निकायका आ-आफ्नै काम गर्ने प्रकृयाहरु रहेको भन्दै अध्यक्ष हमालले बोर्डका तर्फबाट बजार सुधारका लागि टास्क फोर्स बनाएर काम गर्नेपर्ने बताए । लगानीकर्ताले उठाएका सबै विषय क्रमिक रुपमा मागहरु सम्बोधन गर्दै जाने बताए ।
यस्तै लगानीकर्ताहरुले बजारलाई स्थायीत्व दिनका लागि समस्याको पहिचान गर्न हमालसँग आग्रह गरे । ब्रोकर लाइसेन्स वितरण, बैंकलाई ब्रोकर लाइसेन्स, मार्जिन कारोबारको प्रभावकारी कार्यान्वायन लगायतका कामलाई तिब्रता दिन पनि लगानीकर्ताहरुले बोर्ड अध्यक्ष हमालसँग आग्रह गरे । पूँजी बजार सुधारका लागि भन्दै लगानीकर्ता तिलक कोइरालाले १९ बुँदे मागसहित अनसन बस्ने घोषणा गरे पछि उनी आफ्ना समर्थक लगानीकर्तासहित बोर्ड पुगेका हुन् ।
