काठमाडौं । नेपाल आयल निगमले हवाई इन्धनको मूल्य बढाएसँगै हवाइ सेवाप्रदायक कम्पनीले हवाई भाडा पनि बढाएका छन् । नेपाल वायुसेवा सञ्चालक संघले विभिन्न गन्तव्यको हवाई भाडा बढाएको हो । नयाँ भाडादरमा १७० रुपैयाँदेखि अधिकतम ८४० रुपैयाँसम्म वृद्धि भएको छ । सबैभन्दा लामो दूरीका रुपमा रहेको काठमाडौँ-धनगढीको भाडा रु ८४० बढेको छ ।
अब काठमाडौं-धनगढी रुटको भाडा अधिकतम १६ हजार ८०५ रुपैयाँ पुगेको छ । काठमाडौं-सिमराका लागि १७० रुपैयाँले भाडा बढाएर ४ हजार १९५ पुर्याएको छ । यस्तै काठमाडौं-भरतपुर ४ हजार ९३५ रुपैयाँ कायम भएको छ ।
