काठमाडौँ । सिभिल सहकारीमार्फत् सर्वसाधारणको आठ अर्ब बढी रुपैयाँ ठगी गरेको आरोपमा पुर्पक्षको निम्ति ९ महिनादेखि जेलमा रहेका इच्छाराज तामाङलाई छुताउन २ करोडको बार्गेनिङ भएको खुलासा भएको छ । सो बार्गेनिङ्गको अडियो अर्थ सरोकारलेसमेत फेला पारेको छ ।

नेपाल बारका पूर्वकोषाध्यक्ष रुद्रप्रसाद पोखरेलले जिल्ला अदालत काठमाडौंका न्यायाधीश राजेन्द्रकुमार कोइरालासँग तामाङलाई छुटाइदिन २ करोड रकमको बार्गेनिङ्ग गरेका हुन् ।

अडियोबाट न्यायाधीश कोइरालाले तामाङलाई ५० करोड धरौटीमा छाड्न आदेश दिने तयारी गर्दै गर्दा कोइरालाले १० करोड रुपैयाँमा छुटाउन २ करोडको डिल गरेको सुन्न सकिन्छ । सो अडियो रेकर्डमा सर्वोच्चका अन्य न्यायाधीसदेखि जिल्ला अदालतका मुख्य न्यायाधीशसम्म सेटिङको कुरो गरिएको छ ।

तामाङलगायत १२ जनालाई गत असोज १८ गते प्रहरीको केन्द्रीय अनुसन्धान व्युरोले पक्राउ गरेर मुद्दा दायर गरेको थियो । उनी सिभिल बैंकका पूर्व अध्यक्षसमेत हुन् । सुन्नुहोस् अडियो :