काठमाडौँ । सिवाईसी नेपाल लघुवित्त वित्तीय संस्था लिमिटेडको खुद नाफामा ५५ प्रतिशतले वृद्धि भएको छ । लघुवित्तले सार्वजनिक गरेको गत आर्थिक वर्षको चौथो त्रैमाससम्को अपरिष्कृत वित्तीय विवरण अनुसार अघिल्लो वर्षको तुनालमा लघुवित्तको खुद नाफामा ५५.०८ प्रतिशतले बढोत्तरी भएको हो ।
अघिल्लो वर्षको समिक्षा अवधिमा लघुवित्तले कुल ५ करोड १८ लाख रुपैयाँ खुद नाफा कमाएको थियो । गतवर्षको सोही अवधिमा लघुवित्तले खुद नाफामा ५५.०८ प्रतिशतले वृद्धि गर्दै ८ करोड ३ लाख रुपैयाँ खुद नाफा आर्जन गरेको छ । लघुवित्तमा खुद ब्याज आम्दानी र सञ्चालन मुनाफा बढेपछि खुद नाफामा उल्लेख्य बढोत्तरी भएको लघुवित्तको प्रक्षेपण रहेको छ ।
त्यस्तै गत आर्थिक वर्षको अन्त्यसम्ममा लघुवित्तको खुद ब्याज आम्दानी ५७.२३ प्रतिशत बढेको छ । कुल सञ्चालन आम्दानीमा ११४.७७ प्रतिशतले वृद्धि हुँदा लघुवित्तको सञ्चालन मुनाफा भने समीक्षा अवधिमा ६२.११ प्रतिशत बढेको छ । खुद नाफा बढेसँगै लघुवित्तको प्रतिसेयर आम्दानीमा पनि सामान्य वृद्धि भएको छ । गत आर्थिक वर्षको अन्त्यसम्ममा लघुवित्तको इपिएसमा २ रुपैयाँ ९५ पैसा बढेर ६६ रुपैयाँ ४ पैसा पुगेको छ । सो अवधिसम्ममा लघुवित्तको मूल्य आम्दानी अनुपात २५.७२ गुणा रहेको छ भने प्रतिशेयर नेटवर्थ २३० रुपैयाँ ८६ पैसा रहेको छ ।
लघुवित्तको चुक्ता पूँजी ४८.१५ प्रतिशत बढेको छ भने जगेडा कोष १९९.७२ प्रतिशत बढेको छ । त्यस्तै लघुवित्तको सापटी ४६२.८७ प्रतिशत, निक्षेप ५७.६७ प्रतिशत र कर्जामा १०५.२१ प्रतिशतले बढोत्तरी भएको छ ।
