काठमाडौँ । अर्थमन्त्री जनार्दन शर्मामाथि छानबिन गर्न संसदीय छानबिन समिति गठन भएको छ । छानबिन समितिमा संसद्को सबैभन्दा ठूलो दल नेकपा एमालेबाट ४ जना सदस्य रहने भएका छन् । प्रमुख प्रतिपक्षी दल नेकपा एमालेको माग अनुसार ११ सदस्यीय संसदीय छानबिन समिति गठन भएको हो ।

प्रमुख सत्तारुढ दल नेपाली कांग्रेस र माओवादी केन्द्रबाट दुई दुई जना सदस्य रहने भएका छन् भने जसपा, नेकपा एकीकृत समाजवादी र लोकतान्त्रिक समाजवादीबाट एक एक जना रहने भएका छन् । समितिको संयोजक सदस्यहरूबाट चुनिने बताईएको छ ।