काठमाडौँ । सेयर बजार साप्ताहिकका सम्पादकसमेत रहेका पूराना पत्रकार दिनेश आचार्यले बुधबार एउटा ट्वीट गरे । ट्वीटरमा उनले नेपाल राष्ट्र बैंकका गभर्नर महाप्रसाद अधिकारीलाई मेन्सन गर्दै राज्यको सम्पति हुनुपर्ने गभर्नर, सरकारको बित्तीय सल्लाहकारको भूमिकामा हुनुपर्ने व्यक्ति प्रतिपक्षी पार्टीको बिभागीय सदस्यमा नियुक्ति भएको खबर आएको र सो तथ्य दुर्भाग्यपूर्ण रहेको उल्लेख गरेका थिए ।

केहि समयपछि गभर्नर अधिकारीले उनको ट्वीटमा रिप्लाई गरेर उल्लेखित एम अधिकारी आफु नभएको दाबी गरे । तर गभर्नर अधिकारीको दाबी झुटो ठहरियो । उनी एमालेको अर्थ तथा योजना विभागको सदस्य रहेको पुष्टी भईसकेको छ । यस अघि पनि उनी सोहि विभागका सदस्य रहेको स्वयम् सोहि विभागका सदस्य देउकाजी गुरुङले पुष्टी गरेका छन् ।