">
काठमाडौं । लक्ष्मी क्यापिटलले म्युचुअल फण्ड निष्काशन गर्ने भएको छ । क्यापिटलले साउन १९ गतेदेखी ‘लक्ष्मी म्युचुअल फण्ड’ अन्तर्गत सञ्चालन हुने ‘शुभ लक्ष्मी कोष’ निष्काशन गर्न लागेको हो ।
क्यापिटलको सो योजना अन्तर्गत प्रतिइकाई १० रुपैयाँ दरको ५ करोड इकाईमध्ये न्यूनतम ७५ लाख वा कुला बिक्री भएको इकाई संख्याको न्यूनतम १५ प्रतिशत इकाई कोष प्रबद्र्धक लक्ष्मी बैंकलाई सुरक्षित गरि ४ करोड २५ लाख इकाई निष्काशन गर्नेछ । सोमध्ये पहिलो चरणमा सर्वसाधारणका लागि १ करोड ७५ लाख इकाई निष्काशन गर्न लागेको क्यापिटलले जनाएको छ ।
निष्कासन गरिने इकाईको लागि साउन २३ गतेसम्म आवेदन दिन सकिनेछ । सो अवधिसम्ममा पूर्ण आवेदन नपरेमा आवेदन दिने मिति भदौ २ गतेसम्म लम्बिन सक्ने जानकारी दिँदै क्यापिटलले लगानीकर्ताले न्यूनतम १०० इकाईका लागि आवेदन दिनुपर्नेछ र अधिकतम ५० लाख इकाईका लागि आवेदन दिन सकिने व्यवस्था रहेको जनाएको छ ।
सो कोषको इकाईका लागि नेपाल धितोपत्र बोर्डबाट स्वीकृती प्राप्त गरेका सम्पूर्ण सि–आस्बा सदस्य बैंक तथा वित्तीय संस्थाहरु र तिनका तोकिएका शाखा कार्यालयहरुबाट आवेदन दिन सकिनेछ। यो फण्डको धितोपत्र निष्काशन तथा बिक्री प्रबन्धक लक्ष्मी क्यापिटल मार्केट लिमिटेड रहेको छ।
