काठमाडौँमा आफ्नो स्टार्ट अप सुरु गर्ने एउटा आम नागरिक होस्, वा सूदूरपश्चिमको एउटा कुनै कुनामा कुनै घरेलु उद्योग खोल्छु भन्ने ग्राहक होस्, साना व्यापारीलाई ‘ऋण पत्याउने’ बैंकका रुपमा एनआईसी एशिया परिचित छ ।बैंक खोल्ने भनेको धनीलाई धनी बनाउनेमात्र होइन, बरु सानालाई धनी बनाएर सेयरधनीलाई झन् धनी बनाउने हो भन्ने तथ्यलाई मनन गरेको बैंकले गत ५ बर्षमा गरेको कर्जा प्रवाह हेर्ने हो भने ठुलो फाइलको सार्है कम र साना फाइल एकदम धेरै अगाडी बढाएको छ । र त हर मान्छेको व्यापारिक साझेदारी बन्न सफल भएको बैंकले हरेक साना-साना मान्छेलाई उद्यमी बनाउन गरेको योगदान अतुलनीय रहेको स्वयम् ऋणीहरु बताउँछन् । सहज कर्जा प्रक्रिया र त्यसमा पनि अनलाइनको दह्रो सिष्टमले बैंकका ऋणीहरुलाई दिएको सेवाले ऋणीहरुलाई पनि सार्है सजिलो भएको छ । र त साना तथा मझौला व्यापारीका लागि एनआईसी एशिया बैंक, ‘हाम्रो बैंक’ बन्न सफल भएको छ ।

कर्जा विस्तारमा एग्रेसिभ मुभ !

एनआइसी एशिया बैंकको स्थापनाकाल देखिकै ग्राफ हेर्ने हो भने प्रत्येक वर्ष बैंकको बिजनेशमा दोब्बर वृद्धी भएको देखिन्छ । स्थापनाकोे दोस्रो वर्ष नै अर्थात वि.सं. २०५५–५६ मा बैंकले आफ्नो पहिलो शाखाबाट ५०० मिलियन कर्जा प्रवाह गरेको थियो । त्यसको अर्को वर्ष बैंकले कर्जा प्रवाहमा तेब्बर फड्को मार्दै १६४९ मिलियन कर्जा प्रवाह गर्यो । लगातार बिजनेश बढाउँदै गएको एनआइसी एशिया बैंकले वि.सं. २०५७–५८ मा २६१८ मिलियन कर्जा प्रवाह गरेको थियो । त्यस्तै बैंकले पाचौँ वर्षमा २३६९ मिलियनमा, छैटौँ वर्षमा २५६३ मिलियनमा कर्जा प्रवाह गर्दै सातौँ वर्षमा ३७४३ मिलियन कर्जा प्रवाह गरेको थियो । बैंकप्रति ग्राहकको विश्वास बढ्दै जाँदा यो आँकडामा पनि निरन्तर बढ्यो । सोही अनुरुप बैंकले आठौँ वर्षमा ४९०९ मिलियनमा, नवौँ वर्षमा ६८८३ मिलियनमा र दशौँ वर्षमा ९१२९ मिलियनमा कर्जा प्रवाह गरेको थियो । बैंकले एघारौँ, बाह्रौँ र तेह्रौँ वर्षमा क्रमशः ११४६५ मिलियनमा, १३९१६ मिलियनमा र १२९२९ मिलियनमा कर्जा प्रवाह गरेको थियो । १ मिलियनमा हुने १० लाख रुपैयाँ हुन्छ ।

त्यस्तै बैंकले वि.सं.२०६७–६८ मा १५११६ मिलियन कर्जा प्रवाह गरेको थियो । स्थापनाको १५औँ वर्ष अर्थात वि.सं.२०६८–६९ मा बैंकले कर्जा प्रवाहको तथ्यांक डा १८ हजार मिलियनको लाइनमा पुर्यायो । त्यसैको अर्को वर्ष बैंकले प्रवाह गरेको कर्जामा वृद्धि गर्दै यो तथ्यांक ३२४१६ मिलियनमा सम्म पुग्यो  । वि.सं.२०७०–७१ मा ३७३०६ मिलियन कर्जा प्रवाह गरेको बैंकले वि.सं.२०७१–७२ मा कर्जा प्रवाह ४३३३० मिलियनसम्म पुर्याउन सफल भयो । त्यस्तै आर्थिक वर्ष २०७२–७३ मा ५९५३३ मिलियन कर्जा प्रवाह गरेको एनआइसी एशिया बैंकले आर्थिक वर्ष २०७३–७४ मा ७२५५८ मिलियन कर्जा प्रवाह गर्न सफल भयो । साना तथा ठुला ऋण गरी आर्थिक वर्ष २०७४–७५ मा १२०६६६ मिलियन कर्जा प्रवाह गरेको बैंकले आर्थिक वर्ष २०७५–७६ मा १५००२८ मिलियन कर्जा प्रवाह गरेको थियो । त्यस्तै स्थापनाको २३औँ वर्षमा बैंकले देशभरी विभिन्न शाखाबाट गरी कुल १७३७७० मिलियनमा कर्जा विस्तार गरेको बैंकले आर्थिक वर्ष २०७७–७८ मा २६४८४० मिलियन कर्जा प्रवाह गर्न सफल भयो । आर्थिक बर्ष २०७८-७९ को असार मसान्तको तथ्यांक हेर्ने हो भने बैंकले २६८२३६ मिलियन कर्जा प्रवाह गरेको छ । यसले बैंक कर्जा विस्तारमा कतिसम्म एग्रेसिभ छ भन्ने तथ्य देखाउँछ।

एनआइसी एशिया बैंकको सेवा देशभरका सुगमदेखि दुर्गम क्षेत्रमा समेत विस्तार भएको छ । वि.सं. २०५४–५५ अर्थात सन् १९९७–९८ मा हालको प्रदेश नम्बर १ को बिराटनगरबाट सेवा सुरु गरेको गरेको एनआइसी एशिया बैंक दिनप्रतिदिन आम मानिसका लागि ‘हाम्रो बैंक’ बन्न सफल भएको छ । ग्राहकको माया, संस्थापकको दृढ संकल्प र उत्कृष्ट बैंक प्रोडक्टको नतिजाकै कारण अहिले बैंकको सेवा मुलुकका अधिकांश क्षेत्रहरुमा पुगेको आभाष आम ग्राहकहरुले गरिरहेका छन् । बैंकको गतिशीलताका कारण बैंक आम ग्राहकका लागि ‘राम्रो’ त बनेको छ नै, बैंकको सहज बैंकिङले बैंकलाई ‘हाम्रो बैंक’का रुपमा परिचित बनाएको छ । र त आम ग्राहकको साथ बटुल्दै बैंक बिकट बाजुरादेखि सुगम काठमाडौँका ग्राहकसम्मका लागि ‘हाम्रो बैंक’ बन्न सफल भएको छ ।