काठमाडौं । सिन्धु विकास बैंकको वार्षिक साधारणसभा हुने भएको छ । बैंकको १२औं वार्षिक साधारणसभा साउन ६ गते हुने भएको हो । बैंकको उक्त सभा सभा मिरावल रिसोर्ट होटल, धुलिखेल, काभ्रेपलाञ्चोकमा बिहान १० बजेदेखि सुरु हुने भएको छ ।

बैंकले आर्थिक वर्ष २०७७/७८ को नाफाबाट लाभांश नदिने जनाएको हो । बैंक सञ्चालक समितिको असार ७ गते बसेको बैठकले लाभांश वितरण नगर्ने निर्णय गरेको हो । तर्सथ यसपटक लगानीकर्ताको हात रित्तै हुने भएको छ । सभामा आर्थिक वर्ष २०७७/७८ को वार्षिक प्रतिवेदन पारित गर्ने प्रस्ताव छ ।

यस्तै अन्य बैंक तथा वित्तीय संस्थासँग मर्जर वा एक्विजिसनमा जानु परेमा सम्पूर्ण कामको अख्तियारी सञ्चालक समितिलाई दिने प्रस्ताव पनि पेश हुने भएको छ । आर्थिक वर्ष २०७७/७८ का लागि लेखापरीक्षक नियुक्ति र पारिश्रमिक निर्धारण गर्ने अर्को एजेण्डा पनि रहेको छ । सभा प्रयोजनका लागि बैंकले असार २७ गते बुक क्लोज गरिसकेको छ । तर्सथ असार २६ गतेसम्म नेप्सेमा कायम रहेका सेयरधनीहरुले मात्र सभामा भाग लिन पाउने भएका छन्।