‘नेपाल आर्थिक पत्रकार समाज सेजनलाई कुनै अमूक दलको शुभेच्छुक संस्थाको शुभेच्छुक भनेर केहि संचारमाध्यममा समाचार प्रकाशित भएकोप्रति हाम्रो ध्यानकर्षण भएको छ । नेपालका व्यवसायीक आर्थिक पत्रिकाहरूको छाता संगठन सेजन कुनै दल विशेषको शुभेच्छुक होइन र हुन सक्दैन ।’ विज्ञप्तिमा भनिएको छ- ‘केहि मिडियाले अमूक दलको शुभेच्छुक संस्थाको भेलामा सेजनले प्रतिनिधित्व भएको भनि लेखेकोमा हामी खेद प्रकट गर्न चाहन्छौं।’

यस्तै सेजनले सेजनको नाम लिएर कुनै पनि दल आबद्व संगठन वा व्यक्तिले कुनै बैठक भेला आयोजना गरेका छन् भने सो काम गलत भएको र त्यसको सेजनले निन्दा गर्ने बताएको छ । सेजन पदाधिकारी र कार्यसमितिका सदस्यहरुले त्यस्ता कुनै पनि भेलामा संस्थागत प्रतिनिधित्व नगरेको र नगर्ने प्रदिबद्वतासमेत सेजनले जनाएको छ।

‘सेजनको नाम लिएर कुनै पनि दल आबद्व संगठन वा व्यक्तिले कुनै बैठक भेला आयोजना गरेका छन् भने त्यो गलत हो । त्यसको हामी निन्दा गर्न चाहन्छौं ।’ विज्ञप्तिमा अगाडी भनिएको छ- ‘सेजन पदाधिकारी र कार्यसमितिका साथीहरूले त्यस्ता कुनै पनि भेलामा संस्थागत प्रतिनिधित्व नगरेको र नगर्ने प्रदिबद्वता गर्दछौँ।’

सेजनका महासचिव भागवत भट्टराईले हस्ताक्षर गरेको सो बिज्ञप्तिमार्फत सेजनले संस्थाका सदस्य साथीहरूलाई समेत गैरराजनीतिक र विशुद्व व्यवसायिक संस्थाका रुपमा सेजनको गरिमाका विषयमा सचेत रहन आग्रहसमेत गरेको छ।