काठमाडौँ । पछिल्लो लामो समयदेखि महंगीको मारमा परेका नेपाली जनताहरु मूल्य घट्ने दिनको प्रतिक्षामा छन् । हरेक क्षेत्रमा भएको मूल्यवृद्धिको मारमा परेको भन्दै विभिन्न विद्यार्थी संगठनहरुले आन्दोलन तथा विरोध समेत गरे । तर पनि आयल निगम घाटामै गएको भन्दै नेपाल सरकारले मूल्य घटाउने सुरसार नै गरेन । यसैबीच भारतबाट आयातित हुने पेट्रोलियम पदार्थको मूल्य घटेको छ ।
सोमबार निगमलाई प्राप्त सूचि अनुसार भारतबाट आयात हुने पेट्रोलमा १६ रुपैयाँ ८० पैसा र डिजल र मट्टितेलमा प्रतिलिटर १२ रुपैयाँ ४५ पैसा मूल्य घटेर आएको छ । यसभन्दा अघिपनि भारतबाट आयात हुने पेट्रोलमा १५ रुपैयाँ ७६ पैसा र डिजेल र मट्टितेलमा प्रतिलिटर १६ रुपैयाँ ५६ पैसा घटेर आएको थियो । भारतबाट आउने पेट्रोलियम पदार्थमा मूल्य घटेर आएपनि आयल निगमले मूल्य नघटाउँदा निगम अब नाफामा गएको देखिन्छ । तर पनि नेपाल आयल निगमले मूल्य घटाउनेतर्फ भने चासो देखाएको थिएन । यसपटकपनि पेट्रोलिय पदार्थमा मूल्य घटेर आएको भएपनि नेपाल सरकारले मुल्य घटाउनतिर भने कुनै चासो देखाएको छैन ।
अन्तर्राष्ट्रिय मूल्य अनुसार १५–१५ दिनमा मूल्य समायोजनको नियम बनाएको निगमले मूल्य बढेको भन्दै सातामै तीन पटकसम्म मूल्य समायोजन गरेको आयल निगमले भारतबाट मूल्य घटेरै आउँदापनि खासै चासो भने नदेखाएको हो ।
