काठमाडौं । बुटवल पावर कम्पनीले गत आर्थिक वर्षको चौथो त्रैमासको वित्तीय विवरण सार्वजनिक गरेको छ । यस अवधिमा  कम्पनीको खुद नाफा ४७.४० प्रतिशतले घटेर २६ करोड ३९ लाख रुपैयाँ पुगेको छ ।

अघिल्लो वर्षको यसै अवधिमा ५० करोड १८ लाख १७ हजार रुपैयाँ खुद नाफा कमाएको थियो । यस्तै कम्पनीको अन्य  आम्दानी ६८ करोड ७७ लाख रुपैयाँबाट घटेर  ४ करोड २९ लाख रुपैयाँमा पुगेको छ ।

बुटवल पावरको सेयर पुँजी ३ अर्ब २४ करोड ६३ लाख रुपैयाँ र अन्य इक्विटी ३ अर्ब ७४ करोड ९३ लाख रुपैयाँ रहेको छ । असार मसान्तसम्म आइपुग्दा कम्पनीको प्रतिसेयर आम्दानी घटेर ८ रुपैयाँ १३ पैसा र  प्रतिसेयर नेटवर्थ २१५ रुपैयाँ ५० पैसा कायम गरेको छ ।