काठमाडौं । कालिका पावर कम्पनीको गत आर्थिक वर्षको चौथो त्रैमासको वित्तिय विवरण सार्वजनिक भएको छ । कम्पनीले ८ करोड ८ लाख ७१ हजार रुपैयाँ खुद नाफा आर्जन गरेको छ ।

जुन खुद नाफा अघिल्लो वर्षको तुलनामा १.०४ प्रतिशतले कम हो । अघिल्लो वर्षको सोहि अवधिमा कम्पनीले ८ करोड १७ लाख रुपैयाँ खुद नाफा आर्जन गरेको थियो ।

यस्तै, कम्पनीको समिक्षा अवधिमा विद्युत बिक्रिबाट हुने आम्दानी भने बढेको छ । कालिकाको विद्युत बिक्रिबाट हुने आम्दानी १८ करोड ९५ लाख रुपैयाँबाट बढेर १९ करोड ९६ लाख रुपैयाँ पुगेको छ ।

असार मसान्तसम्म आइपुग्दा कम्पनीको प्रतिसेयर आम्दानी ११ रुपैयाँ ७२ पैसा रहेको छ भने प्रतिसेयर नेटवर्थ ११८ रुपैयाँ ७७ पैसा रहेको छ ।