काठमाडौं । भक्तपुरमा नियमविपरित निर्माण गरिएका संरचनाविरुद्ध मध्यपुर थिमि नगरपालिका एक्सनमा उत्रिएको छ । मंगलबार नगरपालिकाले एक सूचना जारी गर्दै अवैध संरचना र फुटपाथ खाली गर्न ३५ दिने सूचना जारी गरेको हो ।

नगरपालिका भित्र नक्सा पास बिनै अनाधिकृत रुपमा निर्माण गरिएका संरचनाले नगरपालिकाको सौन्दर्यता र पार्किङमा कुरुपता सृजना गरेको भन्दै नगरपालिका एक्सनमा उत्रिएको हो । अरनिको राजमार्ग, त्यसका सहायक मार्ग र नगर भित्रका भित्रि सडकहरुमा अतिक्रमण गरी बनाइएका संरचना हटाउन नगरपालिको निर्देशन दिएको हो ।

सार्वजनिक बाटो, सार्वजनिक जग्गा अतिक्रमण गरी बनाइएको संरचना, सार्वजनिक आवागमनलाई बाधा हुने गरी राखिएको अव्यवस्थित पार्किङ, फुटपाथ व्यवसाय हटाउन नगरपालिकाले सूचना प्रकाशित गरेको हो । नगरपालिकाले जारी गरेको सूचनाका आधारमा आगमी ३५ दिनभित्र अवैध रुपमा निर्माण गरिएका संरचना हटाउनुपर्नेछ । निर्देशनको पालना नगरे कानुनबमोजिम कार्वाही गर्नुका साथै नगरपालिका आफै संरचना हटाउन बाध्य हुने नगरपालिकाले जनाएको छ ।

यस्तो छ नगरपालिकाले जारी गरेको सुचनाः