काठमाडौं । पछिल्लो समय एनआईसी एशिया बैंकले बचत खाताका विभिन्न योजनाहरु बजारमा ल्याएको छ । युवा, ज्येष्ठ नागरिक, कर्मचारी लगायत विभिन्न वर्गलाई लक्षित गर्दै बैंकले ल्याएका योजनाहरुको लोकप्रियता पनि त्यत्तिकै बढ्दो छ । यसैबीच बैंकले ल्याएको ‘सर्वश्रेष्ठ तलब बचत खाता’ पनि अहिले धेरैको रोजाईमा परेको छ । विभिन्न कम्पनी तथा संघ संस्थाहरुलाई लक्षित गर्दै सहज बैंकिङ्ग सेवा उपलब्ध गराउन उत्कृष्ट फाइदा सहित बैंकले ल्याएको ‘सर्वश्रेष्ठ तलब बचत खाता’मा ग्राहकको उपस्थिति उलेख्य बढेको बैंकले जनाएको छ । यसो बैंकिङ क्षेत्रमा यस्तो सुविधा सहित एकमुष्ठ यति फाइदा एनआईसी एशियाको पहिलो रहेको बैंकको दाबी छ ।
बैंकले ल्याएको ‘सर्वश्रेष्ठ तलब बचत खाता’मा ग्राहकले ३ प्रकारको सर्वश्रेष्ठ बीमा फाइदाहरु, ३ प्रकारको सर्वश्रेष्ठ कर्जा सम्बन्धी फाइदाहरु तथा विभिन्न १८ अन्य अतुलनीय सर्वश्रेष्ठ फाइदाहरु प्राप्त गर्न सकिने बैंकले जनाएको छ । एनआईसी एशियाको सो योजनाको ग्राहक बन्न चाहनेहरुले आवश्यकता र अवस्थाका आधारमा ‘सर्वश्रेष्ठ तलब बचत खाता’का तीन प्रकारको श्रेणीबाट सेवा लिन सक्ने बैंकले जनाएको छ ।
यसो त एनआईसी एशिया बैंकले ल्याएको ‘सर्वश्रेष्ठ तलब बचत खाता’ खोल्नका लागि ग्राहकले कुनै पनि शुल्क तिर्नु पर्दैन । त्यसेमाथि यो खाता खोल्ने ग्राहकले वार्षिक ८.०३ प्रतिशतका दरले ब्याज पाउनेछन् । बैंकको सर्वश्रेष्ठ तलब बचत खाताको ग्राहक हुन चाहने सेवाग्राहीहरुले ‘एनआईसी एसिया गुडविल एम्बेसडर’, ‘द प्राइड अफ एनआईसी एसिया’ र ‘द पार्टनर अफ एनआईसी एसिया खाता’ गरी तीन श्रेणीका खाताबाट आफुलाई मनपरेको खाता खोली फाइदा लिन सक्नेछन् ।
‘एनआईसी एसिया गुडविल एम्बेसडर खाता’ खोल्नका लागि कम्तीमा ५० वा सो भन्दा माथिको संख्यामा कर्मचारी हुनुपर्ने मापदण्ड रहेको बैंकले जनाएको छ । त्यस्तै ‘प्राइड अफ एनआईसी एसिया खाता’ खोल्नका लागि कम्तिमा ५ देखि ४९ जनासम्म कर्मचारी हुनुपर्ने प्रावधान रहेको छ भने ‘द पार्टनर अफ एनआईसी एसिया योजना’ अन्तर्गत खाता खोल्न ५ वा सो भन्दा कम संख्यामा कर्मचारी भएका संघसंस्थाले पनि यो सुविधा लिन सक्ने बैंकले जनाएको छ ।
‘सर्वश्रेष्ठ बचत खाता’मा बीमा फाइदा
बचतसँगै ब्याजदरमा राम्रो ‘पर्फमेन्स’ रहेको एनआईसी एसिया बैंकको ‘सर्वश्रेष्ठ तलब बचत खाता’मा १० देखि ८४ लाख रुपैयाँसम्मको बीमा सुविधासमेत संलग्न रहेको छ । नेपालमै पहिलो पटक प्रस्तुत गरिएको ‘सर्वश्रेष्ठ तलब खाता’ खोल्ने ग्राहकले ८४ लाख रुपैयाँसम्मको ३ वटा बीमाका फाइदाहरु ५ वर्षसम्म प्राप्त गर्न सक्नेछन् । बैंकको यो योजनामा ग्राहकले श्रेणीका आधारमा बीमा फाइदाको लाभ लिन सक्ने बैंकले जनाएको छ ।
सर्वश्रेष्ठ तलब बचत खाता योजना अन्तर्गत ‘गुडविल एम्बेसडर’ खातामा ग्राहकले ८४ लाख रुपैयाँसम्मको बीमा फाइदा लिन सक्नेछन् । जसअन्तर्गत ४० लाख रुपैयाँसम्मको दुर्घटना बीमा, विभिन्न १८ प्रकारका घातक रोग लागेमा उपचारका लागि ४० लाख रुपैयाँको घातक रोग बीमा र औषधी उपचार वापत ४ लाख रुपैयाँसम्मको मेडिकल बीमाको फाइदा रहेको बैंकले जनाएको छ । यतिमात्र होइन यस योजना अन्तर्गत खातावालाले तोकेका परिवारका अन्य ३ जनाले पनि पाँच वर्षसम्म खातावाला लै नै पाउने बीमा सुविधा पाउनेछन् ।
त्यस्तै बैंकको सो योजना अन्तर्गत ‘द प्राइड अफ एनआईसी एसिया खाता’ खोल्ने ग्राहकका लागि पाँच वर्षसम्म ४२ लाख बराबरको बीमा सुविधा लिन सकिने व्यवस्था गरिएको छ । जसअन्तर्गत बचतकर्ताले २० लाख रुपैयाँ बराबरको दुर्घटना बीमा, १८ प्रकारका घातक रोग लागेमा उपचारका लागि २० लाख रुपैयाँसम्मको घातक रोग बीमा र २ लाख रुपैयाँ सम्मको औषधि उपचार बीमा सुविधा प्राप्त गर्न सक्ने छन् । यो खाताका ग्राहकले आफुले पाउने बीमा सुविधा परिवारको थप एकजना सदस्यका लागि समेत उपलब्ध गराउन सक्नेछन् ।
बैंकले ल्याएको सर्वश्रेष्ठ तलब बचत खाता अन्तर्गत ग्राहकले ‘द पार्टनर अफ एनआईसी एसिया’ खाता खोल्दा कुल २१ लाख बराबरको बीमा सुविधा लिन सक्ने बैंकले जनाएको छ । जसमा शारीरिक अशक्तता वा मृत्यु भएको खण्डमा १० लाख रुपैयाँसम्मको दुर्घटना बीमा, १० लाखको घातक रोग बीमा र मेडिकल जाँच बापत १ लाख रुपैयाँसम्मको मेडिकल बीमाको सुविधा रहेको छ । यो योजनामा खातावालाले मात्रै बीमा सुविधा पाउने बैंकले जनाएको छ ।
‘सर्वश्रेष्ठ तलब बचत खाता’मा कर्जा फाइदा
पछिल्लो समय लोकप्रिय बन्दै गएको एनआईसी एसिया बैंकको ‘सर्वश्रेष्ठ तलब बचत खाता’मा बीमा सुविधासँगै विभिन्न ३ प्रकारको सर्वश्रेष्ठ कर्जा सम्बन्धी फाइदाहरु पनि रहेको बैंकले जनाएको छ । खातावालाले पूर्वस्वीकृत कर्जा सीमा, पूर्व स्वीकृत कर्जा सीमामा आधारदर माथि लाग्ने प्रिमियम शुल्क तथा कर्जा प्रशासनिक शुल्कमा विशेष छुट प्राप्त गर्न सक्नेछन् ।
बैंकका अनुसार सर्वश्रेष्ठ तलब बचता खाता खोल्ने बचतकर्तालाई कर्जा दिँदा कर्जा प्रशासनिक शुल्क ०.२५ प्रतिशत मात्रै लाग्ने छ भने बेस रेटमा १ प्रतिशत मात्रै प्रिमियम दर तोकेर कर्जा दिने बैंकले जनाएको छ । सो योजनामा ग्राहकले ३ कर्जा सम्बन्धी सर्वश्रेष्ठ फाइदा अन्तर्गत कर्जामा सहुलियत ब्याजदर, प्रशासनिक शुल्कमा विशेष छुट र पूर्व स्वीकृत कर्जा सुविधा समेत प्राप्त गर्न सक्ने बैंकले जनाएको छ ।
डिजिटल एण्ड ट्रान्जेक्सन सेवामा शुल्क फ्रि
एनआईसी एशिया बैंकको ‘सर्वश्रेष्ठ तलब बचत खाता’ खोल्ने ग्राहकले पाँच वर्षसम्म बैंकका सम्पूर्ण डिजिटल सेवाहरुको निःशुल्क रुपमा उपयोग गर्न पाउनेछन् । बैंकले दिने डेबिट कार्ड, मोबाइल बैकिङ, इन्टरनेट बैंकिङ ५ वर्षसम्मको लागि निःशुल्क उपलब्ध गराइनेछ भने क्रेडिट कार्डको सीमा ५ लाखसम्म निःशुल्क र क्रेडिट कार्ड आबद्ध र जारी शुल्क निःशुल्क गराइने बैंकले जनाएको छ । क्रेडिट कार्डको वार्षिक शुल्क, प्रिपेड डलर कार्ड, निःशुल्क चेक प्रोसेसिङ आरटीजीएस, आइपीएस शुल्क ५ वर्षको लागि निःशुल्क गरिएको छ । त्यसैगरी लकर सुविधा ५ वर्षसम्म निःशुल्क गर्नुका साथै लकर मार्जिनमा शतप्रतिशत छुटको व्यवस्था गरिएको छ । यस्तै, मुद्रा सटहीमा २५ पैसाको थप छुटको व्यवस्था गरिनेछ भने कुनै पनि स्वदेशी बैंकबाट नगद निकालेमा ५ वर्षसम्म अन्य कुनै शुल्क तिर्नु नपर्ने बैंकले जनाएको छ ।
सेवा प्रवाह भरपर्दो बनाउने ग्यारेन्टी
एनआईसी एसिया बैंकले प्रिभिलेज बैंकिङ्ग योजना अन्तर्गत सेवा प्रवाहलाई विश्वासिलो र भरपर्दो बनाउने ग्यारेन्टी दिएको छ । कुनै पनि संस्था वा कम्पनीले आफ्ना कर्मचारीका लागि एनआईसी एसिया गुडविल एम्बेसडर, द प्राइड अफ एनआईसी एसिया र द पार्टनर अफ एनआईसी एसिया खाता खोल्दा सेवा प्रवाहको लागि बैंकले तोकेको समयको ५० प्रतिशत समय भित्र सेवा उपलब्ध गराउने प्रतिवद्धता बैंकले जनाएको छ । यतिमात्र होइन निर्धारित सेवा प्रवाह समयभन्दा बढी समय सेवाको लागि खातावालाले प्रतीक्षा गर्नुपरेको अवस्थामा बैंकले क्षतिपूर्ति स्वरुप १० रुपैयाँ प्रदान गर्ने जनाएको छ ।
