वीरगञ्ज । पर्सा वीरगञ्ज महानगरपालिकाले किसानलार्ई थप युरिया मल उपलब्ध गराउने भएको छ । महानगरपालिकाले आफ्ना किसानहरुलाई १० हजार बोरा मल उपलब्ध गराउने भएका हुन् । सोका लागि सोमबार महानगरपालिकाको प्रमुख प्रशासकिय अधिकृत लक्ष्मी पौडेल र कृषि सामग्री कम्पनी लि.का प्रादेशिक कार्यालय वीरगञ्जका प्रमुख चन्द्रप्रसाद चौलागाईँबीच चार बुँदे सहमति भएको हो ।
महानगरपालिकाका प्रमुख राजेशमान सिंहले किसानका माग अनुसारको मल मल उपलब्ध गराउन समन्वय गरेका थिए । किसानले भुटनदेवीस्थित कृषि सामग्री कम्पनी लिमिटेडको प्रादेशिक कार्यालयको गोदामबाट अन्यत्र जिल्ला पठाउन लागिएको छ ट्रक मल सोमबार नियन्त्रणमा लिएका थिए । सहमति पछि ती मल वीरगञ्ज महानगरलाई बुझाइएको थियो ।
