काठमाडौं । नियमविपरित निर्माण गरिएका अवैध संरचना हटाउन काठमाडौं महानगरपालिकाको डोजर बालाजुको गोंगबु बसपार्क क्षेत्रमा पुगेको छ । अनाधिकृत संरचना हटाउने अभियान थालेको बालेन्द्रको डोजर अभियान सोमबार बसपार्क क्षेत्रमा पनि सुरु भएको छ ।

महानगरपालिको जारी गरेको ३५ दिने सूचना नमान्ने र निर्देशनको अटेर गर्नेहरुको अवैध सुंरचनामा डोजर चलाउने महानगरपालिकाले जनाएको छ । अहिले महानगर प्रहरी प्रमुख राजु पाण्डेको नेतृत्वमा बसपार्क क्षेत्रका अवैध संरचना र फुटपाथ मिचेर बनाइका संरचना हटाउने काम भइरहेको छ । मैपीदेवीबाट मित्रनगरतर्फ जाने सडकमा अहिले महानगरले डोजर प्रयोग गरेर अवैध संरचनाहरु हटाइरहेको पाण्डेले जानकारी दिएका छन् ।

यसो त पछिल्लो केहीदिनयता काठमाडौं महानगरपालिकाले नियमविपरितका अवैध संरचना भत्काउने अभियानमा तिव्रता दिएको छ । कतिपय अन्य स्थानीय पालिकाहरुले पनि बालेन्द्रको अभियानलाई समर्थन गर्दै आफ्नो क्षेत्रमा भएका अवैध संरचना हटाउने अभियान सुरु गरिसकेका छन् ।