काठमाडौँ । बैंकिङ कसुर मुद्दाका फरार प्रतिवादी पक्राउ परेका छन् । जिल्ला काठमाडौँ चन्द्रागिरी नगरपालिका ०८ गौंथलिचोक बस्ने २७ वर्षीय नबिन के. सी. सो कसुरमा पक्राउ परेका हुन् ।
उच्च अदालत पाटनले उनीमाथि बैंकिङ कसूर तथा सजाय ऐन २०६४ बमोजिम ५ दिन कैद, ५ लाख २५ हजार जरिवाना र २१ हजार क्षतिपूर्ति सुनाएको थियो । काठमाडौं उपत्यका अपराध अनुसन्धान कार्यालयबाट खटिएको प्रहरीटोलीले भदौ २२ गते बुधबार थापाथलीबाट पक्राउ गरेको हो ।
पक्राउ परेका के.सी. लाई थप अनुसन्धान तथा फैसला कार्यान्यवनका लागि ललितपुर जिल्ला अदालत लगनखेल पठाईएको प्रहरीले जनाएको छ ।
