काठमाडौँ । युके पठाइदिन्छु भन्दै रकम ठगी गर्ने व्यक्ति पक्राउ परेका छन् । जिल्ला शोलुखुम्बु दुधकोशी गाउँपालिका वडा नं. २ घर भई हाल काठमाडौँ कगेश्वरी मनोहरा नगरपालिका काँडाघारी बस्ने ४३ वर्षीय बालकृष्ण कार्की पक्राउ गरेका हुन् ।
कार्कीले वर्किङ्ग भिसामा युके लगायतका देशमा रोजगारीका लागि पठाइदिने भन्दै प्रलोभनमा पारी लमहु शेर्पासमेत पिडितहरुबाट १३ लाख ४६ हजार रकम ठगी गरी सम्पर्कविहिन भएको प्रहरीले जनाएको हो ।
काठमाडौँ उपत्यका अपराध अनुसन्धान कार्यालयबाट खटिएको प्रहरीटोलीले कार्कीलाई भदौ ३० गते धुम्वाराहीबाट पक्राउ गरी थप अनुसन्धान तथा कारवाहीका लागी वैदेशिक रोजगार विभाग, बुद्धनगर पठाइएको प्रहरीले जनाएको छ ।
