काठमाडौं । भारतीय सेनाका प्रमुख जनरल मनोज पाण्डे आइतबार नेपाल आउने भएका छन् । नेपाली सेनाका प्रधानसेनापति प्रभुराम शर्माको निमन्त्रणमा पाण्डे नेपाल भ्रमणमा आउने भएका हुन् । पाण्डे आगामी पाँच दिनसम्म नेपाल भ्रमणमा रहनेछन् ।

भ्रमणका क्रममा राष्ट्रपति विद्यादेवी भण्डारीले पाण्डेलाई नेपाली सेनाको मानार्थ महारथीको दर्ज्यानी चिह्न प्रदान गर्नेछिन् । नेपाल र भारतबीच सन् १९५१ देखि एकअर्का देशको सेनाप्रमुखलाई मानार्थ महारथीको दर्जा प्रदान गर्ने प्रचलन छ ।

नेपाल बसाइको क्रममा उनले प्रधानमन्त्री शेरबहादुर देउवा, प्रधानसेनापति शर्मा लगायतसँग भेटवार्ता गर्नेछन् । उनी नेपाल आउने भएसँगै काठमाडौंको सुरक्षा व्यवस्थालामा कडाई गरिएको छ ।