काठमाडौँ । मिर्मिरे लघुवित्त वित्तीय संस्था लिमिटेडले आफ्नो सेवाको १२ औं वर्ष पुरा गरी १३ औं वर्षमा प्रवेश गरेको छ । वार्षिकउत्सवको अवसरमा चितवन जिल्लाको भरतपुर महानगरपालिका वडा नं. ४ मा रहेको लैंगिक हिंसा प्रभावित तथा असाहाय महिला, किशोरी एवं बालबालिका पुर्नस्थापना केन्द्र ‘आदर्श गृह नेपाल’लाई रु. २५ हजार बराबरको खाद्यान्न, फर्निचर तथा सरसफाइ सामाग्री सहयोग गरेको छ ।
बागमती प्रदेश प्रमुख राजेश श्रेष्ठ, उप प्रमुख प्रकाश बोहरा र भरतपुर शाखा प्रमुख सरस्वती तिवारीको उपस्थितीमा आदर्श गृह नेपालका अध्यक्ष मिना खरेललाई तीन सिटे फर्निचर, खाद्यान्न सामाग्रीहरु र सेनेटरी प्याड वितरण गरेको हो ।
असाहायहरुलाई पुर्नस्थापना गर्न लागि परेको गृहलाई हरेक व्यक्ति, संस्था, समुदायले सहयोग गर्न अनुरोध गर्दै संस्थाका प्रदेश प्रमुख श्रेष्ठले निरन्तर रुपमा यस प्रत्यक्ष परोक्ष रुपमा सहयोग गरिरहने बताएका हुन् । संस्थागत सामाजिक उत्तरदायीत्व कार्यक्रमहरु मध्ये मिर्मिरेले सहयोग गरेकोमा संस्थाका अध्यक्ष मिना खरेलले धन्यवाद पत्र प्रदान गर्दै यस वर्षको विशेष सहयोगी हुनुभएकोमा खुशी लागेको बताइन्।
मिर्मिरेले असोज ७ गतेको वार्षिकउत्सवको अवसरमा विभिन्न प्रदेशहरुमा ट्राफिक सचेतना कार्यक्रम, सामाजिक संस्थाहरुमा सहयोग तथा सरसफाइ एवम् डष्टविनहरु वितरण लगायतको कार्यक्रमहरु गरिरहेको छ भने केन्द्रीय कार्यालय बनेपा सहित देशव्यापी रुपमा रहेका १५१ वटा शाखाहरुमा विभिन्न कार्यक्रमहरुसहित वार्षिकउत्सव मनाउन लागिएको संस्थाका प्रमुख कार्यकारी अधिकृत पुष्कर राज जोशीले जानकारी दिएका हुन् ।
मिर्मिरे लघुवित्त वित्तीय संस्थाले गत भाद्रमा रुपन्देही जिल्लाको बुद्धज्योती लघुवित्त वित्तीय संस्थालाई प्राप्ती गरी ६३ जिल्लामा १५१ वटा मार्फत झण्डै १ लाख ४० हजार सदस्यहरुलाई प्रत्यक्ष रुपमा वित्तीय सेवा प्रदान गरिरहेको छ ।
