काठमाडौं । आरबीबी मर्चेन्ट बैंकिङ लिमिटेडको वार्षिक साधारण सभा हुने भएको छ । कम्पनीको साधारण सभा असोज ३१ गते हुने भएको हो ।

सभा राष्ट्रिय वाणिज्य बैंकको केन्द्रीय कार्यालय सिंहदरबार प्लाजा, काठमाडौंमा अपरान्ह ४ बजेबाट सुरु हुनेछ । कम्पनीको असोज ६ गते बसेको संचालक समितिको बैठकले सो निर्णय गरेको हो ।

सभामा कम्पनीले ७.५ प्रतिशत नगद लाभांश दिने प्रस्ताव पेश गर्ने भएको छ । आर्थिक वर्ष २०७८/७९ को सञ्चालक समितिको वार्षिक प्रतिवेदन, वासलात, नाफा नोक्सान लगायतका विषयमा छलफल गर्ने प्रस्ताव पनि रहेको छ ।

त्यस्तै, आर्थिक वर्ष २०७९/८० का लागि लेखापरीक्षक नियुक्ति गर्ने अर्को एजेण्डा रहेको कम्पनीले जनाएको छ ।