काठमाडौं । नेपाल राष्ट्र बैंकले तिहारमा धनतेरस पुज्नका लागि सुन र चाँदीका सिक्का (असर्फी)को बिक्री सुरु गरेको छ । राष्ट्र बैंकको बबरमहलस्थित टक्सार विभागले बिहीवारबाट असर्फी बिक्री गर्न सुरु गरेको हो ।
राष्ट्र बैंकले जुनसुकै समयमा पनि यस्तो असर्फी बिक्री गरिरहेकै हुन्छ । तर, तिहार नजिकिएसँगै असर्फीको बिक्री ह्वात्तै बढेको छ । बिहीबार राष्ट्र बैंकको टक्सार विभागमा असर्फी किन्नेहरुको बाक्लै भिड लागेको थियो ।
असर्फी एक खालको मुद्रा नै भएपनि यो चलनचल्तीमा भने प्रयोग हुँदैन । असर्फीको बिक्री काठमाडौंमा मात्रै गरिन्छ यसर्थ उपत्यका बाहिरका सर्वसाधारसणले यस्तो सुविधा पाउँदैनन् । नेपाल राष्ट्र बैंकले बिहीबारदेखि तिहार (धनतेरस) का लागि सुन र चाँदीको असर्फी बिक्री सुरु गरेको छ ।
राष्ट्र बैंकको टक्सार विभागबाट २.५ ग्राम, ५ ग्राम र १० ग्रामका सुन तथा चाँदीको असर्फी बिक्री सुरु भएको हो । यस्तै चाँदीको भने १० ग्रामको मात्रै असर्फी बिक्री भइरहेको आचार्यले बताएका छन् । १.५ ग्रामका असर्फी भने यस वर्ष उपलब्ध नरहेको राष्ट्र बैंकले जनाएको छ ।
विभागले १.५ ग्रामको असर्फी उत्पादनको लागि प्रस्तव पठाएको भएपनि राष्ट्र बैंक्को व्यवस्थापनबाट कुनै जवाफ नआएपछि यस वर्ष २.५ ग्राम, ५ ग्राम र १० ग्रामका मात्रै सुनका असर्फी उपलब्ध रहेको आचार्यले जानकारी दिएका छन् । ‘सुनको असर्फीको मूल्य सुनको मूल्यमा भएको घटबढ अनुसार दैनिक रुपमा तलमाथि हुन्छ’, आचार्यले भने, ‘तिहारको धनतेरसलाई लक्षित गर्दै असर्फीको बिक्री सुरु गरेसँगै अहिले असर्फी किन्नेहरुको संख्या ह्वात्तै बढेको छ ।’
बिहीबार सर्वसाधारणले १० ग्रामको सुनको असर्फी ८२ हजार ९०२ रुपैयाँ ५ ग्रामका असर्फीको मूल्य ४१ हजार ४५१ रुपैयाँ र २.५ ग्रामको सुनको असर्फीको मूल्य २० हजार ७२६ रुपैयाँ पर्ने राष्ट्र बैंकले जनाएको छ । १० ग्रामको चाँदीको असर्फीको मूल्य भने १ हजार ६०० रुपैयाँ रहेको छ ।
