काठमाडौं । नेपाल राष्ट्र बैंकले ३० अर्ब बराबरको रिपो जारी गर्ने भएको छ । राष्ट्र बैंकले तरलताको अवाभ टार्न आज बिहिबार ३० अर्ब रुपैयाँ बराबरको रिपोको बोलकबोल गर्नेछ ।
सो रिपोमा सहभागी हुन चाहने बैंक तथा वित्तिय संस्थाहरुले दिउँसो ३ बजेसम्म बिडिङ गर्नुपर्नेछ । राष्ट्र बैंकले एक हप्ताका लागि वाणिज्य बैंक, विकास बैंक र वित्त कम्पनीहरुलाई रिपो जारी गर्न लागेको हो । यो रिपो कात्तिक ३ गते परिपक्क हुनेछ ।
बैंकिङ प्रणालीमा साधारण प्रकृतिको न्यून तरलताको स्थिति देखिएमा खुला बजार कारोबार सञ्चालन समितिको निर्णयानुसार अल्पकालीन अवधिको तरलता प्रवाह गर्न केन्द्रीय बैंकले रिपो जारी गर्दै आएको छ ।
