काठमाडौँ । प्राइम कमर्सियल बैंकले चालु आर्थिक वर्षको पहिलो त्रैमासको वित्तिय विवरण सार्वजनिक गरेको छ ।  कम्पनीले पहिलो त्रैमासमा ८७ करोड ४१ लाख ७० हजार खुद नाफा आर्जन गरेको छ । जुन खुद नाफा अघिल्लो वर्षको तुलनामा १०.६१ प्रतिशतले कम हो । अघिल्लो वर्ष कम्पनीले ९७ करोड ७९ लाख ३४ हजार रुपैयाँ खुद नाफा आर्जन गरेको थियो ।

कम्पनीको यसअवधिमा इम्पेरिमेन्ट चार्ज बढेकाले र सञ्चालन नाफा घटेकाले खुद नाफा प्रभावित भएको हो । कम्पनीको खुद ब्याज आम्दानी ३४.४९ प्रतिशतले बढेर १ अर्ब ८८ करोड ५३ लाख २८ हजार रुपैयाँ पुगेको छ । असोज मसान्तसम्म आइपुग्दा बैंकको प्रतिसेयर आम्दानी १२ रुपैयाँ ५० पैसाले घटेर ११ रुपैयाँ ८२ पैसा रहेको छ भने प्रतिसेयर नेटवर्थ १५२ रुपैयाँ ४५ पैसा रहेको छ ।