काठमाडौं । सेन्चुरी कमर्सियल बैंकको सेयर कारोबार फुकुवा भएको छ । नेप्सेले सेन्चुरीको आधारभूत सेयरधनीबाहेक अन्य सेयरधनीको सेयर कारोबार फुकुवा गर्ने निर्णय गरेको हो ।
अब मंसिर १२ गते सोमबारदेखि बैंकको सेयर कारोबार पुनः सुरु हुने भएको छ । प्रभु बैंकले प्राप्ति गर्ने भएपछि सेन्चुरी बैंकको सेयर कारोबार गत साउन १६ गतेदेखि रोक्का रहेको थियो । यी दुई बैंकले साउन १५ गते एक्विजिसन सम्बन्धी सम्झौतामा हस्ताक्षर गरेका थिए ।
एक्विजिसनका लागि नियामक निकाय नेपाल राष्ट्र बैंकले सैद्धान्तिक सहमति पनि दिइसकेको छ । प्रभु बैंकले १ः१ सेयर स्वाप रेसियोमा सेन्चुरीलाई एक्वायर गर्न लागेको हो । अहिले प्रभु बैंकको चुक्ता पुँजी १२ अर्ब ७० करोड रुपैयाँ छ भने सेन्चुरीको ९ अर्ब ५५ करोड रुपैयाँ छ ।
