गुल्मी । गुल्मी निर्वाचन क्षेत्र नम्बर १ बाट नेकपा एमालेका उपमहासचिव प्रदीप ज्ञवाली पराजित भएका छन् । ज्ञवालीलाई नेपाली कांग्रेसका डा. चन्द्र भण्डारीले १ हजार ५९२ मतान्तरले पराजित गरेका हुन् ।

मतगणनाको अन्तिम परिणाम अनुसार कांग्रेसका भण्डारी ३३ हजार ७४४ मतसहित प्रतिनिधि सभा सदस्यमा निर्वाचित भएका छन् । त्यस्तै एमालेका ज्ञवालीले ३२ हजार १५२ मत पाएका छन् ।

यसभन्दा अघि २०७४ सालको निर्वाचनमा भण्डारीले ज्ञवालीसँग हार बेहोर्नुपरेको थियो ।